engliyening xongkongdiki konsulxanisining bir xadimi xitayda nazaret astigha élindi
engliyening xongkongdiki konsulxanisining simon chéng isimlik bir xadimi xitaydin xongkonggha qaytish jeryanida chégrada nazaret astigha élindi.
türkiye awazi radiyosi xewiri: engliyening xongkongdiki konsulxanisida ishleydighan 28 yashliq simon chéng, shinjindiki xizmet ziyaritini axirlashturup, 8 – awghustta xongkonggha qaytip kéletti. biraq chéngning singlisi «guardian» gézitige bayanat bérip, shu kündin buyan chéngning iz – dérikining yoqluqini, uning axirqi qétim «chégradin ötüshke teyyarlandim. manga dua qil» dep uchur yazghanliqini bildürdi.
engliye tashqi ishlar we milletler ishliri ishxanisi, chéngning xitayning namelum bir yéride namelum sewebler tüpeyli nazaret astigha élinghanliqini uqturdi.
xongkongdiki jinayi ishlar gumandarlirining xitaygha qayturup bérilishige asanchiliq tughdurushni mezmun qilghan qanun layihesige qarshi bashlanghan namayishlarning xitaygha qarshi namayishlargha aylinip kétishidin kéyin, yillardin buyan xongkongda heqqi barliqini ilgiri sürüp kéliwatqan engliye bilen xitay arisida soghuqchiliq yüz bergenidi.
