iyordaniyedin xelqara jemiyetke muhim chaqiriq
iyordaniye israiliyening quddusta yolgha qoyuwatqan sürkilishni ewj alduruwétidighan siyasetlirining selbiy tesirlirining bolidighanliqi toghruluq agahlandurushta boldi.
türkiye awazi radiyosi xewiri: iyordaniye tashqi ishlar ministirliqining bildürüshiche, iyordaniye tashqi ishlar weziri eymen essafewi, paytext ammanda yawropa ittipaqi ellirining bash elchiliri bilen körüshkende qilghan sözide, xelqara jemiyetni israiliyening ishghaliti astidiki quddusta sadir qiliwatqan kishilik hoquq depsendichiliklirige xatime bérishke we bu heqte muhim qedemlerni tashlashqa chaqirdi.
israiliyening quddusta yolgha qoyuwatqan sürkilishni ewj alduruwétidighan siyasetlirining selbiy tesirlirining bolidighanliqi toghruluq agahlandurushta bolghan essafewi, israiliyening quddusning tarixiy we qanuniy salahiyitige, musulmanlar hem xiristiyanlargha ait muqeddes jaylargha hörmet qilishi lazimliqini qeyt qildi, hemde israiliyening muqeddes jaylargha qarita yolgha qoyuwatqan siyasetlirining musulmanlar hem xiristiyanlarning qattiq ghezep – nepritini qozghawatqanliqini tekitlidi.
beytullehimde aldinqi küni bir pelestinlikning israiliye eskerliri teripidin étip öltürülüshidin kéyin, sherqiy quddustiki ebu dis we eleyzeriyee rayonlirida ötküzülgen namayishlargha israiliye eskerlirining mudaxile qilishi netijiside 15 pelestinlik yarilanghanidi.
