amérikida katolik chérkaw poplirining jinsiy süyiistémal qurbanliri sotqa erz sundi
amérikining niyu york ishtatida katolik chérkawlar teripidin kichik waqtida jinsiy süyiistémalgha uchrighanliqini ilgiri sürgen 70 tin köprek kishi katolik chérkawlargha qarshi sotqa erz sundi.
türkiye awazi radiyosi xewiri: kichik waqtida katolik chérkaw poplirining jinsiy süyiistémal qurbanigha aylanghan kishiler niyu york ishtatida tünügün resmiy ijra qilinishqa bashlanghan yéngi qanungha binaen katolik chérkawlargha qarshi sotqa erz sundi.
yéngi qanunda, jinsiy süyiistémal qurbanigha aylanghan her yashtiki insanlarning ötmüshtiki ishlarni sotqa erz qilishigha asanliq yaritip bérilidu.
katolik chérkawlarning nurghunlighan döletlerde yüz minglighan diniy zatliri bolup, mezkur döletlerde asasliqi kichik balilargha qilinidighan jinsiy süyiistémal weqeliri shulardin sadir bolmaqta we metbuatlarda orun élip kelmekte.
birleshken döletler teshkilatimu 2014 – yili katolik chérkawlarda keng omumlashqan kichik balilarni jinsiy süyiistémal qilish weqelirige dair mexsus doklat élan qilghan idi.
doklatta, watikanning özige qarashliq chérkawlar bar döletlerde, poplarning jinisiy tajawuzchiliq qilmishlirini yépip qilish üchün on minglighan kichik balining jinsiy süyiistémal qurbani bolushigha köz yumghanliqi eyiblengen idi.
