taylandta bügün 4 qétim ayrim - ayrim bomba partlash weqesi yüz berdi
taylandning paytexti bangkokta yüz bergen partlashta kocha taziliqi qiliwatqan ikki kishi yarilandi.
türkiye awazi radiyosi xewiri: tayland metbuatlirining xewer qilishiche, bügün etigen (2-awghust) shu yerning waqti 07:00 din 09:00 ghiche bolghan ariliqta, sheherdiki hökümet binaliri zich bolghan merkiziy rayonda, 4 qétim ayrim -ayrim partlash yüz bergen. neq meydanda tekshürüsh élip barghan saqchilar partlighan bombilarning yerlik usulda yasalghan bomba ikenlikini éytqan.
tayland bash ministirliqi teripidin élan qilinghan bayanatta bolsa, weqeni sadir qilghuchilarning tekshürülüwatqanliqi we sheher miqyasidiki bixeterlik tedbirilirining yuqiri kötürülgenliki bildürüldi.
partlash weqesining bangkokta 52 – nöwetlik sherqiy jenubiy asiya döletliri birleshmisi tashqi ishlar ministirliri yighini ötküzülüwatqan peytke toghra kélishi diqqet tartmaqta.
