beshshar esed hakimiyiti shertlik urush toxtitish élan qildi

türkiye awazi radiyosi xewiri: türkiye bilen rusiyening idlib jiddiychilikni peseytish rayonida urush toxtitishni mustehkemlesh üchün hasil qilghan kélishimge xilapliq qilghan beshshar esed hakimiyiti, rayonda «shertlik urush toxtitish» élan qilghanliqini bildürdi.

beshshar esed hakimiyitining sana xewer agéntliqi, beshshar esed hakimiyitining qazaqistan paytexti nursultanda süriye toghrisidiki 13-qétimliq kapaletchi döletler yighini ötküzülüwatqan peytte, idlibte shertlik urush toxtitidighanliqini élan qilghan.

sana agéntliqining xewiride bildürülishiche, beshshar esed hakimiyiti idlib kélishimi boyiche, öktichilerning éghir tipliq qorallirini idlib jiddiychilikni peseytish rayoni chégrasidin 20 kilométir yiraqliqqa chékindürüsh sherti bilen, tünügün (1-awghust) kéchidin bashlap urush toxtitishni qobul qilghan.

süriye qoralliq öktichiliri bolsa, urush toxtitishqa munasiwetlik héchqandaq bayanat élan qilmidi.

beshshar esed hakimiyiti we uning qollighuchiliri idlib jiddiychilikni peseytish rayonigha shiddetlik hujumlarni qilip, 2018-yili 17-séntebir imzalanghan kélishimge xilapliq qiliwatqan idi. bu hujumlar sewebidin 550 mingdin artuq kishi yurt-makanliridin ayrilishqa mejbur bolghan idi.

süriye kishilik hoquq közitish öyi beshshar esed hakimiyiti we uning qollighuchilirining 2019-yili 26-apréldin 27-iyulghiche qilghan hujumlirida, 208 kichik bala, 140 ayal bolup jemiy 781 kishining jénidin ayrilghanliqini élan qilghan idi.