hesen ruhani amérika bilen qayta muzakirilishishke yéshil chiraq yaqti
iran pirézidénti hesen ruhani amérika bilen muzakirilishishke yéshil chiraq yaqti we pursetning téxi qoldin ketmigenlikini éytti.
türkiye awazi radiyosi xewiri: iranning resmiy xewer agéntliqi «IRNA» ning xewiride, ruhanining paytext téhrandiki ministirlar kabénti yighinida sözligen nutuqida, «bu hökümet muzakire pursitini qoldin bérip qoyghini yoq we qoldin béripmu qoymaydu. döletni bashqurush mesuliyitila bolidiken, mesililerni hel qilish üchün adil, qanunluq we ghururini qoghdighan asasta bir muzakire ötküzüshke teyyar» dégenliki bildürüldi.
hesen ruhani shuning bilen birge yene, muzakire üstilide teslim bolghan bir shekilde olturmaydighanliqini tilgha élip, desleptikige oxshash 11 – nöwetlik hökümetning deslepki kündin buyan siyaset saheside we kéliship qilish éhtimali bolghan mesililerde körüngen tosalghularni hel qilish üchün tirishchanliq körsetkenlikini bildürdi.
amérika 2015 – yili imzanlanghan yadro kélishimidin chékinip chiqip, 2018 – yili 8 – mayda irangha téximu kéngeytilgen émbargolarni yolgha qoyghan idi.
iran rehbiri ayetullah eli hamanéy aldinqi ay yaponiye bash weziri shinzo abi bilen ötküzgen uchrishishida, iranning amérikigha qetiy ishenmeydighanliqini tilgha élip, «amérika bilen yadro kélishimi dairiside béshimizdin ötken achchiq tejribiler sewebidin bu muzakire hergizmu qayta tekrarlanmaydu» dégen idi.
