nigériye islam herikiti ezaliri bilen saqchilar arisida sürkilish yüz berdi
gherbiy afriqa döliti nigériyede namayish ötküzgen nigériye islam herikiti ezaliri bilen saqchilar arisida sürkilish yüz bérip 6 adem jénidin ayrildi.
türkiye awazi radiyosi xewiri: nigériye islam herikiti bayanatchisi yehya adamu bayanat bérip, paytext abujadiki namayishqa saqchilarning mudaxile qilishi netijiside yüz bergen sürkilishte 6 ademning jénidin ayrilghanliqini, 28 ademning yarilanghanliqini eskertti.
u, «lidirimiz sheyx ibrahim zakzakining qoyup bérilishini telep qilip ötküzgen namayishimizgha saqchilar mudaxile qildi, köp sanda adem yarilandi» dédi.
yaridarlarning bezilirining yarilinish ehwalining éghir ikenlikini, ölgenler sanining éship kétishidin endishe qiliniwatqanliqini bildürgen adamu, nigériye islam herikitining bezi ezalirining xewpsizlik küchliri teripidin nazaret astigha élinghanliqini qeyt qildi.
nigériye islam herikiti ezaliri paytext abujada ötküzgen namayishliri jeryanida yollarni tosuwélip, nigériye memliketlik jiddiy ehwallarni bashqurush agéntliqining aptomobillirigha ot qoyup berdi.
