girétsiye bash ministiri kiriyakos jumhur reis erdoghanni hemkarliqqa chaqirdi

girétsiye bash ministiri kiriyakos michotakis girétsiye-türkiye munasiwetliride yéngi sehipe échish üchün, jumhur reis rejep tayyip erdoghanni hemkarliq ornitishqa chaqirdi.

girétsiye bash ministiri kiriyakos jumhur reis erdoghanni hemkarliqqa chaqirdi

türkiye awazi radiyosi xewiri: girétsiye bash ministiri kiriyakos michotakis girétsiye-türkiye munasiwetliride  yéngi sehipe échish üchün, jumhur reis rejep tayyip erdoghanni hemkarliq ornitishqa chaqirdi.

bash ministir kiriyakos michotakis, hökümetning yéngi pilan layihesi muzakire qiliniwatqan parlamént omumiy kéngishide söz qildi.

düshmenlik we nepretke tolghan gep-sözlerdin yiraq turup xelqara qanun we dostane hemkarliq ornitish üchün tirishidighanliqini éytqan kiriyakos michotakis: géritsiye-türkiye munasiwetliride yéngi sehipe échish üchün jumhur reis erdoghanni hemkarliqqa chaqirimen, dédi.

 bash ministir kiriyakos michotakis sözini dawamlashturup mundaq dédi: «bu jughrapiyede birlikte yashaymiz, yoqilang sürkilish we qoral riqabiti her ikki döletni qimmetlik bayliqliridin mehrum qalduridu, biz bayliqlirimizni dölitimizning istiqbali üchün ishlitishimiz kérek.»

girétsiyede bu yil 7-iyulda ötküzülgen baldur saylamda yéngi démokratiye partiyesi utup chiqip öz aldigha musteqil hakimiyet béshigha keldi, kiriyakos michotakis bolsa bash ministir boldi.

ötken charshenbe küni yéngi ezalirining qesem bérish murasimida échilghan parlaméntta, yéngi hökümetning pilan-layihesini muzkirige qoyush xizmiti axirlashqandin kéyin, hökümtning ishench awazigha érishishi üchün awaz bérish paaliyiti ötküzülidu.



مۇناسىۋەتلىك خەۋەرلەر