tramptin jumhuriyetchilerge türkiye dewiti

türkiye awazi radiyosi xewiri: amérika qoshma ishtatlirida chiqidighan «‹ Washington Post › géziti» ning xewer qilishiche,   amérika qoshma ishtatliri pirézidénti donald tramp türkiye we «400 - s» bashqurulidighan bomba mudapie sistémisi mesilisi toghruluq muzakire élip bérish üchün meshhur palata ezalirini aqsaraygha dewet qilghan bolup, uchriish seyshenbe küni shu jay waqti saet 16 da ishqa ashurulidiken.

tramp türkiye heqqide aldinqi küni élan qilghan bayanatida, barak obama hökümitining türkiyege qarita xata siyasetlerni yolgha qoyghanliqini tekitligenidi. buningdin burun bolsa, «türkiyege émbargo yürgüzemsiz?» teriqisidiki bir soalgha, «yaq, hazir bizning bundaq qilish niyitimiz yoq» dep jawab bergenidi.

aldinqi küni aqsaray we dölet mudapie ministirliqi teripidin élan qilinghan bayanatlarda, «400 - s» bashqurulidighan bomba mudapie sistémisi tüpeyli türkiyening « F-35» tipliq urush ayropilanliri layihesining bir qismi bolmaydighanliqi, shuning bilen bir waqitta, amérika qoshma ishtatlirining türkiye bilen bolghan istiratégiyelik munasiwetlirige hazirmu nahayiti zor ehmiyet bérip kéliwatqanliqi qeyt qilinghanidi.