tajikistan qoshna döletlerge 1 milyard 275 milyon kilowat saet éléktr éksport qildi

türkiye awazi radiyosi xewiri: tajikistan bu yil ichide özbékistan, afghanistan we qirghizistan qatarliq döletlerge 1 milyard 275 milyon kilowat saet éléktr éksport qildi.

tajikistan énérgiye we su bayliqliri ministiri usmanali usmanzade, tajikistanning bulturqigha qarighanda qoshna döletlerge %33 artuq éléktr éksport qilghanliqini bildürdi.

bu yil ichide özbékistan, afghanistan we qirghizistan qatarliq döletlerge 1 milyard 275 milyon kilowat saet éléktr éksport qilinghanliqini éytqan uzmanzade, iranning bu yil ichide chet elge éléktr éksport qilip 24 milyon 300 ming dollar kirim qilghanliqini éytti.

tajikistan dairilirining bildürülüshiche, bu yil ichide 10 milyard 100milyon kilowat saet tok ishlepchiqirip bulturqigha sélishturghanda %6.5 artuq tok ishlepchiqarghan.

bultur afghanistan we özbékistangha éléktr éksport qilip 77 milyon dollar kirim qilghan tajikistan, bu yil bu döletlerge 3 milyard 200 milyon kilowat saet éléktr énérgiyesi éksport qilishni pilanlimaqta.