birmada choshqa zukimi seweblik nurghun adem öldi

türkiye awazi radiyosi xewiri: birmada bir aydin buyan dawamlishiwatqan choshqa zukimida 54 kishi öldi.

sehiye we tenterbiye ministirliqi bayanatchisi piyu piyu ayé, choshqa zukimi süpitide bilinidighan « H1N1 »wirusi seweblik, ötken ayning ikkinchi cherikidin buyan 54 kishining jénidin ayrilghanliqini bildürdi.

yangon rayonining choshqa zukimining tesirige eng küchlük uchrighan rayon ikenlikini éytqan ayé, bu rayonda choshqa zukimi tüpeyli 43 kishining ölgenlikini éytti.

bayanatchi ayé, yangon, sagaying, mawway, bago, ayéyarwardi we mon qatarliq rayonlarda 671bimar ichide 274din wirus bayqalghanliqini dédi.

bu yil 19-iyulda choshqa zukimi tüpeyli ölüp ketken bir kishining xewiri chiqqanidi.

ministirliq xelqni qizitmisi örlep ketken kishilerdin we ademler toplashqan jaylardin yiraq turush toghrisida agahlandurush bilen birge, doxturxanilardin bu késellikke tézraq diagnoz qoyushni telep qildi.