iran xata siyasetliridin waz kéchishke chaqirildi

engiliye, gérmaniye we firansiye qatarliq döletler iranni xata siyasetliridin waz kéchishke chaqirdi.

iran xata siyasetliridin waz kéchishke chaqirildi

türkiye awazi radiyosi xewiri: engiliye, gérmaniye we firansiye qatarliq döletler iranni yadro kélishimige toluq riaye qilishqa we bezi xata siyasetlerdin derhal waz kéchishke chaqirdi.

üch dölet teripidin bu heqte élan qilinghan bayanatta mundaq déyildi: «iran bilen hasil qilinghan yadro kélishimini qollaymiz, iran kélishimge riaye qilghan teqdirde iranni qollashni dawamlashturimiz we  iranni yadro kélishimini bahane qilip yürgüzüwatqan xata siyasetliridin waz kéchishke chaqirimiz.»

bayanatta kélishimning amérika qoshma ishtatlirining bésimi we iranning kélishimde körsitilgen mesuliyetlirini ada qilmasliqi sewebidin hökümsiz haletke kélip qélishidin endishe qiliniwatqanliqi eskertildi.

iranning belgilengen chektin ashurup uran qoyuqlandurushining zor endishe peyda qilghanliqi eskertilgen bayanatta mundaq déyildi: «iran qoltuqida yüz bergen hujumlar we rayonning weziyitining nacharlishiship kétishidin endishe qiliwatimiz.»

bayanatta alaqidar terepler  mesuliyetchan bolushqa we rayonning weziyitini peseytidighan bayanatlarni bérishke chaqirildi.

üch döletning weziyetni peseytish we diyalog ötküzüshke paydiliq bir qatar ishlarni wujudqa chiqarghanliqi alahide eskertilgen bayanatta, alaqidar tereplermu yaxshi niyiitini ipadilishi kérekliki bildürüldi.

 


خەتكۈچ: xitay , rusiye , engliye , iran

مۇناسىۋەتلىك خەۋەرلەر