«amérika émbargo yürgüzüshtin waz kechse muzakire ötküzüshni oylishimiz»

iran pirézidénti hesen ruhani amérika émbargo yürgüzüshtin waz kechse iranningmu muzakire ötküzüshni oylishidighanliqini bildürdi.

«amérika émbargo yürgüzüshtin waz kechse muzakire ötküzüshni oylishimiz»

türkiye awazi radiyosi xewiri: iran pirézidénti hesen ruhani, amérika qoshma ishtatliri irangha émbargo yürgüzüshtin waz kéchip muzakire ötküzüshke maqulluq bildürgen teqdirde, iranningmu muzakire ötküzüshni oyliship baqidighanliqini bildürdi.

pirézidént hesen ruhani yadro kélishimi dairiside uran qoyuqlandurush xizmitini qanunluq haletke keltürüshni nishan qiliwatqanliqlirini éytip mundaq dédi:«beziler yadro kélishimining amérikaghila paydiliq ikenlikini dep kelmekte, ehwal heqiqeten mushundaq bolsa amérika néme üchün yadro kélishimidin chékinip chiqti we <bu amérika tarixidiki eng rezil kélishim idi, iran bu kélishim arqiliq bizdin nurghun nerse éliwaldi>dep bayanat béridu.»

nöwette iranni nurghun muzakirilerning kütüp turuwatqanliqini éytqan ruhani: amérika émbargoliridin waz kéchip muzakire ötküzüshke maqulluq bildürse, bizmu muzakire ötküzüshni oyliship baqimiz, dédi.

hesen ruhani yadro kélishimini «tarixtiki eng utuqluq kélishim»dep teriplidi.

amérika hökümitining 12 yildin buyan iranning atom bombisi ishlepchiqirish xizmiti élip bérip, munasiwetlik qanunlargha zit heriket qilip kéliwatqanliqini otturigha qoyushi toghruluq toxtalghan hesen ruhani, xelqara atom énérgiye idarisining bu heqte bayanat bérip ehwalning amérika dégendek emeslikini otturigha qoyghanliqini dédi.

iran bilen rusiye we xitay otturisida yaxshi munasiwet barliqini éytqan hesen ruhani, yawropa ittipaqi döletlirining yadro kélishimida belgilengen mesuliyetlirini ada qilmighanliqini yaki ada qilishni xalimaywatqanliqini eskertip: sewr-taqitimizningmu chéki bar, eger ular wedisini az orundisa bizmu mesuliyitimizni az ada qilimiz, eger mesuliyetlirini ada qilmisa bizmu oxshishini qilimiz, dédi.


خەتكۈچ: xitay , émbargo , iran

مۇناسىۋەتلىك خەۋەرلەر