seudi erebistan haji namzatlirini agahlandurdi
seudi erebistan, hej ibaditining ada qilinishi jeryanida siyasiy we mezhep xaraktérlik shoar we pikirlerning aldini élish üchün türlük tedbirlerning yolgha qoyulidighanliqini uqturdi.
türkiye awazi radiyosi xewiri: seudi erebistanning resmiy xewer agéntliqi – SPA ning xewirige qarighanda, jidde shehiride text warisi shahzade muhemmed bin selman riyasetchilikide ichki kabénit yighini chaqirilghan.
yighindin kéyin élan qilinghan yazma bayanatta, haji namzatliri peqet ibadet bilenla meshghul bolushqa chaqirildi, siyasiy we mezhep xaraktérlik shoarlarni ishlitishtin saqlinish toghrisida agahlanduruldi.
hejning ulughluqi we sükünatigha dexli qilidighan barliq ish – heriketlerdin saqlinish kérekliki tekitlengen ichki kabénitning mezkur bayanatida «siyasiy mezmun we mezhepchilik tüsidiki söz – ibariler we bu xil heriketler héchbir shekilde qobul qilinmaydu» dégen ibariler orun aldi.
bayanatta, yolyoruqlarning ijra qilinishi we belgilimige xilap qilmishlarning sadir bolmasliqi üchün, tégishlik barliq tedbirlerning yolgha qoyulidighanliqi eskertildi, biraq qaysi xil tedbirlerning élinidighanliqi toghrisida melumat bérilmidi.
مۇناسىۋەتلىك خەۋەرلەر
seudi erebistan 6 iran muxbirini chégradin qoghlap chiqardi
sseudi erebistan iran dölet téléwiziyesining 6 muxbirini chégradin qoghlap chiqardi.