maduro b d t ning döliti toghrisidiki doklatini qattiq eyiblidi

türkiye awazi radiyosi xewiri: nékolas maduro paytext karakasta hindistanliq tinchliq elchisi we ruhaniy lidir sri siri rawi shankar bilen körüshkendin kéyin ötküzgen muxbirlarni kütüwélish yighinida bachélétning doklatini éghir ibarilerni ishlitip eyiblep, «irqiy qirghinchliq doklati yalghanlar, suyiistémallar, xata uchurlar bilen tolup ketken» dédi.

u öktichiler bilen yéngi bir qétimliq uchrishishtin ilgiri élan qilinghan doklatqa «impériyalist küchlerning mudaxilisi» dep baha berdi we sözini dawamlashturup, söhbetlerde yaxshi niyet bilen heriket qilinghinida, bu xil mudaxililerning wénézuélagha ziyan yetküzüshining mumkin bolmaydighanliqini sözlirige ilawe qildi.