afghanistan döletlik istixbarat idarisi hujumgha uchridi
afghanistan döletlik istixbarat idarisi hujumgha uchrap 12 adem öldi.
türkiye awazi radiyosi xewiri: afghanistanning ghezne wilayitidiki döletlik istixbarat idarisi binasi hujumgha uchrap 12 adem öldi.
ghezne waliy mehkimisi bayanatchisi arif nuri, gheznening merkizidiki döletlik istixbarat binasigha bomba qachilanghan bir aptomobil bilen hujum qilinghanliqini éytti.
hujumda 12 kishining jénidin ayrilghanliqini éytqan bayanatchi nuri, hujumda 49 kishiningmu yarilanghanliqini bildürdi.
bayanatchi nuri ölgenler ichide 8 kishining istixbarat xadimi ikenlikini éytti.
ghezne doxturxanisining bildürüshiche, hujumda yarilanghanlarning köp qismi normal puqralar iken.
bu qétimqi qanliq hujumning jawabkarliqini taliban üstige aldi.
bu qétimqi hujumning taliban wekillirining qatarning paytexti doxada amérika heyiti bilen tinchliq söhbiti ötküzüwatqan mezgilde yüz bérishi alahide diqqet qozghidi.
