qerzawining qizining nazaret astida tutulush mudditi uzartildi
misirda dölet xewpsizlik teptish mehkimisi dunya musulman alimlar birlikining sabiq bashliqi yüsüf qerzawining qizi ela qerzawining nazaret astida tutulush mudditini 15 kün uzartti.
türkiye awazi radiyosi xewiri: ela qerzawining adwukati ehmed madining éytishiche, «térrorluq jamaitining sépige qétilish» bilen eyiblengen eza qerzawi üstidin yene bashqa bir tekshürüsh bashlanghan bolup, shu sewebtin, uning nazaret astida tutulush mudditi 15 kün uzartilghan. ela qerzawi buninggha naraziliq bildürüp, achliq élan qilishni qararlashturghan.
qahire jinayi ishlar sot mehkimisi aldinqi küni uda ikki yildin buyan nazaret astida tutuluwatqan ela qerzawining shertlik qoyup bérilishi toghruluq qarar chiqarghanidi.
ela qerzawi we uning yoldishi husam helef 2017 – yili iyul éyida misirning shimaligha jaylashqan sahil eshemali rayonidiki öyidin tutup kétilgen, ela qerzawi uda 300 kün boyiche kamérda tutulghan we uning ailisi bilen körüshüshige ruxset qilinmighanidi.
xelqara kechürüm teshkilati teripidin ela qerzawi toghruluq élan qilinghan bayanatta, «ela qerzawi kamérda duch kelgen nachar muamile xelqaraliq ölchemlerge asasen ten jazasi hésablinidu» déyilgenidi.
مۇناسىۋەتلىك خەۋەرلەر
amérika ukrainagha 2 milyard dollar yardem béridu
amérika qoshma ishtatliri ukrainagha 2 milyard dollar yardem béridu.
afghanistanda herbiy tik uchar chüshüp ketti
afghanistanning ghor wilayitide bir herbiy tik uchar ayropilan derya qirghiqigha chüshüp ketti.
