dalay lama kechürümname élan qildi
tibetning ruhaniy rehbiri 14 – dalay lama ayallar we panahlanghuchilar heqqide bergen bayanatliri yüzisidin kechürümname élan qildi.
türkiye awazi radiyosi xewiri: hindistan metbuatlirining xewerlirge asaslanghanda, dalay lama bir söhbet pirogrammisida, ruhining kéyinki yötkilishi birer ayalgha bolidighan yaki bolmaydighanliqi heqqide muxbirning soaligha jawab bérip, «eger shundaq bolsa, téximu jelpkar bolghan bolatti» dégenliki yüzisidin ayallardin kechürüm sorighan.
dalay lama bu heqte küchürüm name élan qilip, sözlirining peqetla chaxchaq ikenlikini, emma xata chüshünülgenlikini we bu ehwaldin azaplanghanliqini bildürdi.
dalay lama shu qétimqi söhbette: «pütün yawropa musulman bir döletke aylansa bolattimu? bu mumkin emes. weyaki bir afriqa dölitige aylansunmu? yawropani yawropaliqlar üchün qoghdash lazim» dégen hemde yawropada yashawatqan her qaysi dölet köchmenlirining qaytip kétishi kéreklikini éytqan idi.
hindistanda 60 yildin köprek panahlanghuchi süpitide yashawatqan tibetliklerning ruhaniy rehbiri hésablinidighan dalay lamaning panahlanghuchilarni nishan qilghan mezkur sözliri qattiq naraziliq qozghighan idi.
dalay lama kechürümnamisida, u sözliri üstidimu toxtilip, «sözlirim xata chüshünüldi. döletliridin ayrilghan insanlar qaytip kételmeslikimu mumkin we yaki qaytip kételishimu mumkin. her ikki ehwalda ularni aqishlaymen» dédi.
tibetning diniy rehbiri 14 – dalay lama aldinqi ay «BBC» qanili bilen ötküzgen söhbet pirogrammisidin kéyin, dunyaning hemmila yéride dégüdek naraziliq qozghighan idi.
nobél tinchliq mukaptigha érishken 84 yashliq ruhaniy rehber dalay lama 1960 – yilidin buyan sürgündiki tibet hökümitining merkizi hésablinidighan himachal paradésh ölkisige qarashliq daramsala rayonida yashap kelmekte.
