ereb birleshme xelipiliki iyordaniyelik parlamént ezasining kirishige ruxset qilmidi

türkiye awazi radiyosi xewiri: huda elatum shenbe küni kechte iyordaniye parlaménti heyiti bilen yaponiyedin ereb birleshme xelipilikige barmaqchi bolghanda, özining ereb birleshme xelipilikige kirishining cheklengenlikini bildürüp, «ayrodorumdiki bixeterlik xadimliridin birsi yénimgha kélip, yaxturlmaydighan kishi ikenlikimni we derhal ereb birleshme xelipilikini tashlap chiqip kétishim kéreklikini éytti. sewebini soridim. mezkur bixeterlikni saqlash xadimi yuqiridin kelgen buyruqqa binaen heriket qilghanliqini bildürdi» dédi.

huda elatum ayrodorum xadimigha özining musulman qérindashlar teshkilati bilen héchqandaq alaqisi yoqluqini we ereb birleshme xelipikige qarshi héchqandaq pozitsiye yaki paaliyette bolmighanliqini, öz nöwitide yene, iyordaniye – ereb birleshme xelipiki dostluq komitétining ezasi ikenlikini éytqanliqini tekitlep, «bu yüz bergen ishlar ereb birleshme xelipilikining iyordaniyege zorlap tangghan burunqi bésimliridin kélip chiqtmaqta. ayalim ereb birleshme xelipikide 18 yil oqutquchiliq qilghan idi. biraq men iyurdaniye parlaméntidiki döletlik islahat ittipaqigha eza bolghandin kéyin ayalim ishtin boshitilghan idi» dédi.

iyordaniye parlamént ezasi huda elatum iyordaniyede 2016 – yili ötküzülgen saylamlardin kéyinmu özining ereb birleshme xelipilikige barghanliqini, shu chaghda saqchi idarisigha chaqiritip, özidin «néme üchün (islamiy éqimgha mensup) döletlik islahat ittipaqigha eza bolghanliqini sorighanliqini éytti.

musulman qérindashlar teshkilatining iyurdaniyediki tarmiqi hésablinidighan islamiy xizmet firontining bash katibi murad el adayile bolsa, ereb birleshme xelipilikining bu qilmishida qestenlik barliqini ilgiri sürdi.

ereb birleshme xelipiliki mesulliri téxiche weqe heqqide bayanat élan qilmidi.