iran quyuqlandurulghan uran zapisining miqdarini ashurdi
iran dairiliri, quyuqlandurulghan uran miqdarini yadro kélishimide körsitilgen 300 kilogiram zapaslash ölchimidin ashurghanliqini uqturdi.
türkiye awazi radiyosi xewiri: iranning yérim resmiy xewer agéntliqi – farsning xewer qilishiche, téhran dairiliri %3.67 lik quyuqlandurulghan uran miqdarini yadro kélishimide körsitilgen 300 kilogiram zapaslash ölchimidin ashuruwetken.
téhran, xelqara atom énérgiyesi orgini közetküchilirining ötken charshenbe künidin buyan iranning quyuqlandurulghan uran miqdarini ölchesh arqiliq zapas miqdarining 300 kilogiramdin éship ketkenlikini éniqlap chiqqanliqini bildürdi.
iran atom énérgiyesi orgini bayanatchisi behruz kemalwendi 26 – iyunda bayanat bérip, kélishimning yawropadiki tereplirige bérilgen möhlet toshqandin kéyin, quyuqlandurulghan uran miqdarining ashurulidighanliqini uqturghanidi.
iran hökümiti, 8 – mayda amérikaning émbargolirigha qarshi kélishimge terep bolghan döletlerge 60 kün möhlet béridighanliqini, möhlet toshqandin kéyin quyuqlandurulghan uran miqdarini ashuridighanliqini jakarlighanidi.
