«pelestin dewasi sétilidighan mal emes»

türkiye awazi radiyosi xewiri: liwan muftisi abdulletif deryan pelestinge zorlap téngiliwatqan «yüz yilning kélishimi» ge qarshi turush üchün ereblerning birlishishi kéreklikini tekitlidi.

liwan muftisi abdulletif deryan «yüz yilning kélishimi» ge shundaqla behreyning paytexti manamada ötküzülidighan «bayashatliq üchün tinchliq» namliq muhakime yighinigha naraziliq bildürüp, yazma bayanat élan qildi.

pelestinlik panahlanghuchilargha turushluq döletlerde puqraliq bérilishige dair qarashlarni ret qilidighanliqini tekitlep mundaq dédi:

«pelestin dewasi sétilidighan mal emes, del eksiche pelestinlik ereblerning, rehimsiz düshmen teripidin ishghal qilinghan zéminlirigha qaytish dewasidur. ereb döletlirini milyardlap dollarlar bilen aldashqa uruniwatqanlarning pelestin qatarliq ereb zéminlirini pulgha sétiwalghili bolmaydighanliqini bilip qoyushi lazim. mirasimiz, exlaqimiz we dinimiz bizge bu xil qobul qilghili bolmaydighan tekliplerge qarshi birliship küchiyimizni we ghururuluq bolushimizni buyruydu» 

aq saray axbarat ishxanisidin élan qilinghan bayanatta, behreynning amérika bilen hemkarlishish asasida bügün paytext manamada «bayashatliq üchün tinchliq» témisida iqtisadiy muhakime yighini chaqirghanliqi bildürülgen idi. 

muhakime yighining israiliye – pelestin meslisining hel qilinishigha dair tepsilati qachan élan qilinidighanliqi téxiche éniq bolmighan amérikining atalmish «yüz yilning kélishimi» pilani dairisidiki tunji yighilish ikenliki bildürülmekte.

pelestin hökümiti bu muhakime yighinigha qatnashmaydighanliqini élan qilipla qlamastin belki yene yighingha teklip qilinish mmumkinchiliki bolghan döletlergimu bu teklipni bayqut (ret) qilish chaqiriqida bolghan idi. 

birleshme ereb xelipiliki, seudi erebistan we qatar pelestin hökümitining chaqiriqigha pisent qilmastin, manamadiki muhakime yighinigha qatniishdighanliqlirini élan qilghan idi.