amérikaning iran ishliri alahide wekili ummanni ziyaret qildi
amérikaning iran ishliri alahide wekili brinan xuk (Brian Hook) resmiy uchrishishlarni ötküzüsh üchün ummangha yétip bérip, padishahliq ishxanisining bashliqi sultan bin muhemmed ennumani bilen körüshti.
türkiye awazi radiyosi xewiri: amérikaning iran ishliri alahide wekili brinan xuk ummanda resmiy uchrishishlarni élip bardi. umman agéntliqi ona (ONA) ning xewiride bildürülüshiche, uchrishishlarda rayonning nöwettiki weziyiti we ikki terep munasiwetliri we bu munasiwetlerni tereqqiy qildurushning yolliri muhakime qilinghan.
brinan xukning ziyaritining, amérika pirézidénti donald tramp «umman wastichiliqi arqiliq iran bilen körüshüshni xalaydighanliqidin bésharet bermekte» dégen gep-sözler yalghangha chiqirilghandin kéyin emelge éshishi köp diqqet qozghidi.
amérika tashqi ishlar ministiri mayk pompéyo amérika-iran yirikchiliki we taratqulardiki bezi xewerler toghrisida élan qilghan yazma bayanatida: «pirézidént tramp umman arqiliq irangha héchqandaq uchur yollimidi. pozitsiyemizni nahayiti éniq ipadiliduq, waqti kelgende heriketke ötimiz» dégen idi.
