putin: tramp bilen körüshüshke teyyarmen
rusiye pirézidénti wiladimir putin amérika qoshma ishtatliri pirézidénti donald tramp bilen körüshüshke teyyar ikenlikini bildürdi.
türkiye awazi radiyosi xewiri: putin bu heqte élan qilghan bayanatida, mundaq dédi: «amérika qoshma ishtatliri pirézidénti donald tramp bilen körüshüshke teyyarmen, amérika qoshma ishtatlirida yéqinlishiwatqan saylam seperwerlik herikiti basquchi munasiwetlirimizni murekkepleshtürüwétishi mumkin. shuni alahide tekitlep ötimenki, diyalog herdaim yaxshidur, hemishe diyalog ötküshüsh üchün telep bardur, eger amérika terep köngül bölse, bizmu diyalog ötküzüshke teyyarmiz. ikki döletning istiratégiyelik pilanlar, yadro qoralliri , xelqaraliq muqimliq jehettin söhbet élip bérishigha tégishlik nurghan mesililer bar.»
amérika qoshma ishtatliri pirézidénti donald tramp ilgiri élan qilghan bayanatida, mushu ayning axirliri yaponiyede chaqirilidighan 20 dölet guruhi bashliqlar yighinida, rusiye pirézidénti wiladimir putin bilen bir yerge jem bolushni kütüwatqanliqini eskertkenidi.
rusiye pirézidénti wiladimir putin ötken hepte bu heqte élan qilghan bayanatida, mundaq dégenidi: «mentiqiliq tesewwurning haman bir küni ghalib kélidighanliqini ümid qilimiz. biz amérikiliq hemrahlirimiznimu öz ichige alghan barliq ittipaqdashlirimiz bilen yéqinda chaqirilidighan 20 dölet guruhi bashliqlar yighini dairiside paydiliq qararlarni chiqirish pursitige érishishimizni, iqtisadiy sahelede hemkarliq ornitish üchün zörür bolghan shert – sharaitlarni hazirliash imkaniyiti yaritishimizni ümid qilimiz.»
