giruziye öktichiliri rusiye heyitige qarshi namayish qildi
giruziye paytexti tiblista öktichilerni qollaydighan minglarche kishi rusiye heyitining ziyariti munasiwiti bilen parlaméntni qorshap, parlamént ichige kirishke urundi.
türkiye awazi radiyosi xewiri: tiblista 19-iyun échilishi ötküzülgen 26-nöwetlik parlaméntlar ara mejlisining ikkinchi künidiki yighinida, rusiye heyitining ichidiki rusiye kommunistik partiye ezasi we dölet dumasining ezasi sérgéy gawrilow riyasetchilik qildi. öktichiler we minglarche kishi parlamént binasi aldida toplinip, gawrilowning parlaméntta nutuq sözlishige naraziliq bildürdi.
namayishchilar giruziye parlaménti bashliqi irakli kobaxidzéni we bezi parlamént ezalirini istépa bérishke chaqirdi. sani 10 mingdin artuq bolghan namayishchi amma, parlaméntni qorshap ichige kirishke urundi. giruziye saqchiliri otturigha chiqqan sürkilish netijiside yash aqquzush bombisi we pilastik oq ishlitip, namayishchilarning parlaméntqa kirishini tosti.
oxshimighan siyasiy partiyeler we ijtimaiy teshkilatlar teshkilligen namayishta, kishiler söz qilip, giruziye hökümitini rusiyege nisbeten ajiz siyaset yürgüzüsh bilen eyiblidi we parlamént bashliqini, ichki ishlar ministirini, shundaqla parlaméntlar ara ötküzülgen bu qétimqi paaliyetni teshkilleshke qatnashqan barliq kishilerni istépa bérishke chaqirdi.
giruziye saqchiliri namayishchilarni pilastik oq, yash aqquzush bombisi we bésimliq su ishlitip tarqitiwetti.
