xitay soda urushi toghrisida bayanat élan qildi
xitay hökümiti amérikaning tehditliri we bajlirining dunyadiki eng chong ikki iqtisadiy küch otturisidiki mesililerni hel qilishqa payda élip kelmeydighanliqini bildürdi.
türkiye awazi radiyosi xewiri: xitay soda ministirliqi soda urushi toghrisida bayanat élan qildi. bayanatta, tehdit xaraktérlik gep qilishning we xitay malliridin qoshumche baj élishning, ikki dölet otturisidiki iqtisadiy mesililerni hel qilishqa payda élip kelmeydighanliqi eskertildi.
xitay soda ministirliqi bayanatchisi gaw féng özara hörmet qilish asasidiki endishelerni muwapiq halda nezerde tutush kéreklikini qeyt qildi.
u: «amérika xitaygha qarshi bir tereplimilik halda soda tedbirliri yürgüzüshni dawamlashtursa, bu ehwal özining iqtisadigha we xelqining parawanliqigha muhim mesililerni peyda qilidu» dédi.
aqsaray 18-iyun (charshenbe) élan qilghan bayanatida, amérika pirézidénti donald tramp bilen xitay reisi shi jinpingning téléfonda körüshkenlikini bildürgen idi.
dunyadiki eng chong iqtisadiy küch otturisidiki soda urushi dawamlishiwatqan bir peytte, amérikaning xitay malliridin élinidighan bajni %25 ke chiqirishi, soda urushi endishelirini téximu kücheytiwetken idi. amérika-xitay heyetlirining may éyidiki söhbitide kélishim hasil qilinalmighan idi.
yaponiyening osaka shehiride 28-29-iyun künliri ötküzülidighanG-20 dölet guruhi yighinida, ikki dölet rehbirining qoshumche tamozhna béji we ikki terep soda munasiwetlirini muzakire qilidighanliqi perez qilinmaqta.
