mérkélning titrewatqan körünüshliri qattiq qorqutti
gérmaniye bash ministiri angéla mérkélning titrawatqan körünüshliri qattiq qorqutti.
türkiye awazi radiyosi xewiri: gérmaniye bash ministiri angéla mérkél ukraina pirézidénti wladimir zéléniskini paytext bérlinda bash ministirliq mehkimiside herbiy murasim arqiliq qarshi aldi.
murasimda milliy marshlar oqulghan waqitta gérmaniye bash ministiri angéla mérkélning titrewatqanliqi körüldi. ukraina pirézidénti wladimir zéléniski mérkélning titrishige inkas qayturmidi, etraptikiler we qoghdighuchilar qattiq endishilendi.
angéla mérkélning titrishi toxtighandin kéyin herbiy murasim normal halette dawamlashti we ikki rehber bash ministirliq mehkimisi binasigha ötti.
angéla mérkél axbarat élan qilish yighinida, herbiy murasim jeryanida titrigenlikige alaqidar soalgha jawab bergende, «shu waqitta men 2 – 3 istakan su ichkenidim, qarghanda az ichkendek qilimen, emma hazir ehwalim yaxshi» dédi.
