rahmi koch muzéyi toghrisida némilerni bilisiz?
didem öztashbashi teripidin teyyarlanghan «biliwéling» namliq pirogrammimizning bügünki sanida «rahmi koch muzéyi» gha alaqidar uchurlarni diqqitinglargha sunimiz.
türkiyening tunji sanaet muzéyining xalich (déngiz boghuzi) ta ikenlikini anglighanmidingiz?
1994 – yili ziyaretchilerge échiwétilgen rahmi koch muzéyi déngiz boghuzidiki ötmüshi wizantiye dewrigiche sozulidighan tarixiy lengerxane binasida échildi.
qurghuchisi rahmi kochning xususiy tirishchanliqi, qilinghan ianiler we tapshurulghan yadikarliqlar bilen izchil halda béyip méngiwatqan muzéyda 13- esirde asman jisimlirining égizlikini ölcheshte ishlitilgen üskünidin tartip 20 – esirdiki harléy dawidson motosiklétqiche bolghan nahayiti keng dairidiki sekkiz yüzdin artuq tarixiy yadikarliq körgezme qilinmaqta.
rahmi koch muzéy hem ögitishni, hem köngül échishni nishan qilghan؛ u, kilassik muzéy chüshenchisining ramkisidin chiqip ketken bolup, méyiplar uni léfit arqiliq ékskursiye qilalaydu. muzéygha kelgen oqughuchi we ziyaretchiler kündilik hayatta ishlitidighan nersilerning qandaq ishleydighanliqinimu ögineleydu.
