nigériyede adem bomba hujumi yüz bérip 30 adem öldi
bokoharam térrorluq teshkilatining nigériyening sherqiy shimalida sadir qilghan térrorluq hujumida 30 adem jénidin ayrildi, 45 adem yarilandi.
türkiye awazi radiyosi xewiri: nigériye jiddiy ehwallarni biterep qilish agéntliqining borno ölkisi diréktori usman kachalla, bokoharam térrorluq teshkilatining ölkige qarashliq mandarari yézisida tünügün kéche üch ayrim adem bomba hujumi sadir qilghanliqini, hujumlarda 30 ademning jénidin ayrilghanliqini, 45 ademning yarilanghanliqini bildürdi.
bu jeryanda nigériyede 2000 – yillarning bashliridin buyan mewjutluqini dawamlashturup kéliwatqan boko haramning 2009 – yilidin tartip sadir qilishqa bashlighan keng kölemlik zorawanliq weqeliride 20 mingdin artuq adem öldi.
teshkilat, 2015 – yilidin buyan nigériyege chégradash kamérun, chad we nigérdimu weqe peyda qildi.
igilinishiche, teshkilatning chad chöli wadisidiki hujumlirida kem dégende 2 ming adem jénidin ayrilghan.
