«hujumning keynide iran bar, lékin biz urushni xalimaymiz»

türkiye awazi radiyosi xewiri: amérika qoshma ishtatliri tashqi ishlar ministiri mayk pompéyo, umman qoltuqida yüz bergen néfit paraxotliri hujumining keynide iranning barliqini, lékin iran bilen urush qilishni xalimaydighanliqlirini éytti.

mayk pompéyo «foks xewer»téléwiziye qanilining ziyaritini qobul qilip, ötken hepte umman qoltuqida meydangha kelgen néfit paraxotlirining hujumgha uchrash  toghrisidiki soallargha jawab berdi.

pompéyo soallargha mundaq jawab berdi: «bu hujumlarning keynide iranning barliqi besh qoldek ayan, lékin pirézidéntimiz donald tramp urushtin saqlinish üchün qolidin kélishiche tirishchanliq körsitiwatidu, biz urush qilishni xalimaymiz, lékin muhim ötüsh éghizlirida erkin qatnashni kapaletke ige qilish üchün tégishlik tedbirlerni alimiz, hökümitimiz diplomatiye bolup bezi sahelerde xizmet élip bériwatidu.»

pompéyo yene mundaq dédi: «istixbarat orunlirimizning qolida nurghun melumat we delil-ispat bar, dunya haman bir küni bulardin xewer tapidu.»