gutérrés somali we kéniyede yüz bergen térrorluq hujumlirini eyiblidi
birleshken döletler teshkilati (b d t) bash katipi antonio gutérrés, kéniye we somalida yüz bergen térrorluq hujumlirini eyiblidi.
türkiye awazi radiyosi xewiri: b d t bash katipi bayanat ishliri ishxanisi bayanat bérip, gutérrésning shenbe küni kéniyening wajir rayonida yüz bérip 8 saqchining ölümini keltürüp chiqarghan weqeni eyibligenlikini bildürdi.
bayanatta, mezkur rayonda jüme künimu 3 saqchining eshshebab térrorluq teshkilati teripidin görüge élip qéchilghanliqi xatirilitip ötüldi.
antonio gutérrésning, somalining paytexti muqdishoda yüz bérip 8 ademning ölümi, köp sanda ademning yarilinishini keltürüp chiqarghan, jawabkarliqini eshshebab teshkilati üstige alghan hujumnimu eyibligenliki qeyt qilindi.
bayanatta, «bash katip, öltürülgenlerning aile – tawabiatlirigha, kéniye we somali hökümetlirige we xelqige chongqur teziye bildüridu, yaridarlarning salametlikining baldurraq eslige kélishini tileydu» dégen ibarilerge orun bérildi.
bash katipning, térrorizm we zorawanliq terepdari ashqunluqqa qarshi kürüshte b d t ning kéniye we somali hökümetliri bilen hemkarliq ornitidighanliqini tekitligenliki qeyt qilindi.