tramp nyo york taymiz gézitini qattiq eyiblidi

amérika qoshma ishtatliri pirézidénti donald tramp, amérikining rusiyege tor hujumi qilghanliqini ilgiri sürgen nyu york tayméz gézitigha qattiq naraziliq bildürdi.

tramp nyo york taymiz gézitini qattiq eyiblidi

türkiye awazi radiyosi xewiri: amérika qoshma ishtatliri pirézidénti donald tramp, amérikining, rus éléktir torlirigha siber hujum qilish meqsitide yumshaq détal yükligenlikini ilgiri sürgen xewiri tüpeyli nyu york tayméz gézitigha qattiq naraziliq bildürdi.

donald tramp tiwittér adrési arqiliq bayanat bérip, «ishinelemsiler? ishqa yarimas nyu york taymés géziti, bügün amérika qoshma ishtatlirining rusiyege qarita tor hujumlirini körünerlik derijide kücheytkenlikini xewer qildi. bu, bir chaghlardiki chong bir gézitning bir xewer üchün, hetta dölitimizge nisbeten nachar bolghan teqdirdimu, chüshüp qalghan süniy xiyanitidur. yene kélip toghra emes. bügün yolsiz médiyamizda hemmila nerse aqidu. qilchilikmu aqiwitini oylashmastin hemme ishni qilidu we deydu. bular heqiqiy qorqunchaqlar we shübhisizki xelqning düshmenliridur» dédi.

nyu york taymés géziti, sabiq we nöwette aktip wezipe ötewatqan hökümet emeldarliri bilen ötküzgen söhbetlirini menbe qilghan xewiride, moskwaning amérika saylamlirigha qilghan mudaxilisige qarshi amérikining tor bixeterliki qomandanliqining rusiyening éléktir istansiliri we döletning bashqa orunlirigha yoshurun halda amérika kompyutér kodlirini yollighanliqini ilgiri sürgenidi.

rusiye éléktir torlirigha qilinghan mezkur hujumning trampning maqulluqigha sunulmastin ishqa ashurulghanliqi qeyt qilinghanidi.


خەتكۈچ: tramp , amérika , rusiye , nyo york taymiz

مۇناسىۋەتلىك خەۋەرلەر