amérika: «umman qoltuqi» da néfit paraxotlirigha qilinghan hujumning jawabkari iran

türkiye awazi radiyosi xewiri: pompéyo amérika qoshma ishtatliri tashqi ishlar ministirliqida ötküzgen axbarat élan qilish yighinida, bu heqte toxtalghanda, iranning uzundin buyan «hürmüz boghuzi» diki  néfit tiransportigha buzghunchiliq qiliwatqanliqini, emdilikte bolsa herbir nuqtida oxshash hujumlarni élip bériwatqanliqini ilgiri sürüsh bilen bir waqitta, iranning  yéqinqi ikki aydin buyan élip bériwatqan hujumlirini tilgha aldi, hemde «umman qoltuqi» da ikki néfit paraxotigha qilinghan hujumning jawabkari iran dep qaraydighanliqlirini tekitlep mundaq dédi: «biz érishken uchurlargha, hujumni élip bérish üchün ishlitilgen qoral – yaraghlar hem wasitilargha nezer tashlighinimizda, bu hujumning jawabkarining iran ikenlikini körüwalghili bolidu. derweqe, rayonda bundaq murekkep bir hujumni élip baralaydighan  küch we bundaq qabiliyetke ige irandin bashqa héchqandaq bir guruppa yoq. bu hujum iranning amérika qoshma ishtatliri we ittipaqdashlirigha qilghan xewplik hujumliridin peqetla biri, xalas. bundaq ighwagerlik tüsini alghan hujumlar, déngizchiliq ishliridiki <seper erkinliki> belgilimiliridin sirt yene, xelqaraliq tinchliq we bixeterlikkimu ochuq – ashkara halda tehdit shekillendürmekte.»

«umman qotuqi» da tünügün etigen tereplerde ikki chong néfit paraxotida partlash meydangha kelgenidi.  

paraxotlardiki 44 kiishlik kapitan, iran izdesh - qutquzush etretliri teripidin qutquzuwélinghan, andin iranning hürmüzgan ölkisige qarashliq jask portigha élip bérilghanidi.