daniyede bir jamege ot ketti

türkiye awazi radiyosi xewiri: daniyening paytexti kopénhagénning 35 kilométir gherbige jaylashqan hédéhuséné nahiyesidiki fetih jamesige ot ketti.

bildürülüshiche, daniye türk diyanet weqpisige qarashliq bolghan we 2013-yili sélinghan fetih jamesining ögzisige tünügün chüshte ot ketken.

ot öchürüsh xadimliri zor tirishchanliq körsitip otni öchürülghan.

ot apitidin kéyin jameni ékskursiye qilghan türkiyening kopénhagén elchisi ughur kenan ipek, mubarek ramizan éyida bundaq bir köngülsiz hadisining yüz bérishidin qayghurghanliqini éytti.

elchi ipek tok liniyesi seweblik kélip chiqqanliqi texmin qiliniwatqan ot apitide ölüsh hadisisining yoqliqini, lékin maddiy ziyan körülgenlikini bildürdi.

türlük tedbirlerning élinishi toghruluq alaqidar mesullar bilen körüshidighanliqini éytqan elchi ipek: biz alaqidar mesullardin peqet türk topluqinila emes barliq musulman topluqini hujumlardin qoghdashni telep qilimiz, uning üstige ularmu biz bilen bu mesilide hemkarliq ornitishni xalaydighanliqini bildürmekte, dédi.

fetih jamesi teshkiliy heyet bashliqi turan akbulat, jamening bixeterlik kaméralirini alaqidar orunlargha tapshurup bergenlikini éytip mundaq dédi: « kaméra körünüshliri tekshürüliwatidu, qarighanda gumanliq ehwal yoqtek turidu, biz jame ögzisidiki tok liniyesidin chiqqan kashila tüpeyli ot apiti kélip chiqqanliqini texmin qiliwatimiz.»

akbulat axirida  bu qétimqi roaz héyt namizini fetih jameside qilalmaydighanliqidin qayghurghanliqinimu bildürdi.