amérika yawropa ittipaqini tebriklidi

türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi morgan ortagus, yawropa parlaménti saylamlirining muweppeqiyetlik axirlishishidin xursen bolghanliqlirini bildürdi.

bayanatchi morgan ortagus, yawropa ittipaqigha eza döletlerde ötküzülgen yawropa parlaménti saylamlirining netijiliri toghruluq yazma bayanat élan qildi.

bayanatta saylamlarning muweppeqiyetlik axirlishishi tüpeyli yawropa ittipaqigha eza döletlerning puqralirini tebrikligen bayanatchi morgan ortagus: milyonlarche yawropaliq awaz bergen bu tarixiy saylam, dunyadiki eng chong démokratik maniwér hésablinidu. amérika bilen yawropa ittipaqi ortaq démokratik qimmet qarashliri, küchlük iqtisadiy we qite halqighan  siyasiy munasiwetlerge ige küchlük shiriklerdur. yawropa parlaméntining yéngi ezaliri 2-iyulda resmiy wezipe öteshke bashlaydu, ular we yawropa parlaméntining lidérliri bilen hemkarliship xizmet qilishni töt köz bilen kütüwatimiz, dédi.

yawropa ittipaqigha eza döletlerde 4 kün dawamlashqan yawropa parlaménti saylamlirining resmiy netijiliri aydinglishishqa bashlidi, yawropa ittipaqi rehberliri yéngi wezipe we maqamlarni békitish üchün heriketke ötti.

yawropa parlaménti saylamliridin kéyin yawropa ittipaqigha eza 28 döletning rehberliri yawropa ittipaqi komitét bashliqi, yawropa ittipaqi kéngesh bashliqi, yawropa parlaménti bashliqi, yawropa merkez bankisi bashliqi we yawropa ittipaqi tashqi alaqe we xewpsizlik kéngishi aliy wekilige oxshash yuqiri menseblerge kimni teyinlesh mesilisige merkezleshti.