misirda nurghun kishi ölüm jazasigha höküm qilindi
misirda herbiy aliy sot mehkimisi üch chérkawgha hujum qilish bilen eyiblep 17 jawabkarni ölüm jazasigha höküm qildi.
türkiye awazi radiyosi xewiri: edliye menbelirining bildürüshiche, misir herbiy aliy sot mehkimisi shimaliy qahire rayonluq herbiy sot mehkimisining 17 jawabkar üstidin chiqarghan hökmini testiqlighan. aliy sot mehkimisi yene, bu dairide 19 jawabkargha 25 yildin, 9 jawabkargha 15 yildin, bir jawabkargha 10 yil qamaq jazasi bérish hökümnamisini maqullighan. shuning bilen, jawabkarlarning bu qarargha étiraz bildürüsh hoquqi qalmighan.
isklenderiye herbiy sot mehkimisi teripidin 2016 – we 2017 – yilliri üch chérkawgha hujum qilish bilen eyiblinip, sotqa tartilghan 48 jawabkardin 36 si üstidin 2018 – yili 10- aprél küni ölüm permani élan qilinghanidi.
shimaliy qahire herbiy sot mehkimisi, 2018 – yili 11 – öktebir küni mezkur 36 kishidin 19 igha bérilgen ölüm jazasini bikar qilip, muddetsiz qamaq jazasigha özgertkenidi.
misirning paytexti qahire, iskenderiye we tanta sheherliride 2016 – yili dékabirda we 2017 – yili aprélda üch chérkawgha qilinghan hujumlarda 82 kishi hayatidin ayrilghanidi.
مۇناسىۋەتلىك خەۋەرلەر
ukraina may éyi kirgendin buyan rusiyening töt urush ayropilanini étip chüshürdi
ukraina donétsik rayonida rusiyege tewe Su-25 tipliq urush ayropilanini étip chüshürdi.