iran amérika qoshma ishtatliri pirézidénti donald trampqa jawab qayturdi.

türkiye awazi radiyosi xewiri: iran tashqi ishlar ministiri muhemmed jewad zerif ammiwi ortaqlishish tor béti Twitter sehipiside élan qilghan bayanatida, amérika qoshma ishtatliri pirézidénti donald trampning, yaponiye ziyariti jeryanida, iran – amérika qoshma ishtatliri otturisidiki yéqinqi heptilerdin buyanqi barghanséri ewj élip kétiwatqan sürkilishler heqqide toxtalghanda qilghan, «iranda hakimiyet almishishi toghruluq izdiniwatqinimiz yoq, iranning yadro qorallirigha ige bolushini xalimaymiz, peqet mushu mesilinila aydinglashturushni ümid qilimen» teriqisidiki bayanatlirigha jawab bérip, mundaq dédi: «iran rehbiri ayetullah eli hamanéy öz waqtida yadro qorallirini cheklesh toghruluq  petiwa  bergen, bu arqiliq iranning  yadro qorallirigha ige bolush niyiti yoqluqini bildürgenidi. amérika hakimiyiti ichidiki <b bir guruppisi> ning iqtisadiy térrorizmi iran xelqige éghir ziyan séliwatidu hemde rayonning weziyitini jiddiyleshtürüwatidu. donald trampning niyitining qandaqliqini sözler emes, emeliiyetler ispatlap béridu.»

amérika qoshma ishtatliri pirézidénti donald tramp yaponiye ziyariti jeryanida yaponiye bash weziri shinzo abé bilen élip barghan uchrishishida, iran mesilisi toghruluq söhbet ötküzgenliklirini tekitlep mundaq dégenidi: «irandiki nurghun shexslerni obdan bilimen, ular nahayiti yaxshi kishiler. iranning mewjut rehberliri bilen téximu qudret tépish imkaniyiti bar,  iranda hakimiyet almishishi toghruluq izdiniwatqinimiz yoq, iranning yadro qorallirigha ige bolushini xalimaymiz, peqet mushu mesilinila aydinglashturushni ümid qilimen» dégenidi.

iran tashqi ishlar ministiri muhemmed jewad zerif, aldinqi bayanatlirida, «amérika hakimiyiti ichidiki <b guruppisi> dep atighan aqsaray dölet xewpsizlik ishliri meslihetchisi jon bolton, israiliye bash ministiri bényamin nétanyahu, seudi erebistan text warisi shahzade muhemmed bin selman we ereb birleshme xelipiliki text warisi shahzade muhemmed bin zayid qatarliqlarning, amérika qoshma ishtatliri pirézidénti donald trampni irangha qarshi urush qozghishi üchün küshkürtüwatqanliqini» éytqanidi.