musulda bomba hujumi yüz berdi
iraqning musul shehiride meydangha kelgen bomba hujumida 5 kishi hayatidin ayrildi, 8 kishi yarilandi.
türkiye awazi radiyosi xewiri: iraq dölet mudapie ministirliqi teripidin bu heqte élan qilinghan yazma bayanatta eskertilishiche, musulgha qarashliq rabie yézisining uweyne kenti merkizige toxtitip qoyulghan bomba qachilanghan aptomobilning yiraqtin kontirol qilinidighan tizginek bilen partlitilishi netijiside 5 puqra hayatidin ayrilghan, 8 puqra yarilanghan.
bayanatta tekitlinishiche, hujumdin kéyin dölet xewpsizlik küchliri jawabkarlarni axturup tutush üchün heriketke ötken, hujumning jawabkarliqini téxiche héchkim öz üstige almighan.
igilinishiche, iraqning herqaysi yéza – qishlaqlirida bundaq hujumlarni élip baridighanliqi üchün, térrorluq teshkilati daéshtin gumanlinilmaqta iken.
térrorluq teshkilati daésh iraqning besreni öz ichige alghan musul, enber, salahidin we diyale qatarliq wilayetliride pat - pat dölet xewpsizlik küchlirige qarshi hujumlarni élip barmaqta iken.
