afghanistanda jüme namizi esnasida jame méhrabigha orunlashturup qoyulghan bomba partlidi

paytext kabuldiki jamening méhrabida jüme namizi esnasida yüz bergen bomba partlash weqeside jemiy 3 kishi öldi.

türkiye awazi radiyosi xewiri: afghanistanning paytexti kabuldiki bir jamede jüme namizi esnasida yüz bergen bomba hujumida 3 kishi ölüp, 32 kishi yaridar boldi.

kabul saqchi idarisi bayanatchisi férdews faramarz kabulning saraq new rayonidiki el teqwa jamesining méhrabigha orunlashturup qoyulghan bombining jüme namizi esnasida partlighanliqini bildürdi.

bayanatchi férdews faramarz hujumda el teqwa jamesining imami we diniy alim mewlewi semiullah reyhanning ölgenlikini uqturup, diniy alim semiullah reyhanning her qétim qatnashqan téléwziye pirogrammilirida térrorluq paaliyetlirige qarshi bayanatlarni bergenliki üchün térrorluq teshkilati teripidin hujum nishani qilinghan bolushi mumkinlikini tekitlidi.

sehiye ministirliqi bayanatchisi wahidollah mayar bolsa, hujumda diniy alim semiullah reyhan bilen birge 2 kishining ölgenlikini we 32 kishining yaridar bolghanliqini élan qildi. 

yaridarlardin bezilerning ehwalining intayin éghir ikenliki uqturuldi. hujumning jawabkarliqini téxiche héch kishi öz üstige almidi.