pakistan «bürküt-2» namliq bashqurulidighan bombisini ghelibilik sinaq qildi

türkiye awazi radiyosi xewiri: général gafur ijtimaiy taratqu arqiliq bayanat bérip, «bürküt-2 namliq quruqluqtin quruqluqqa qoyup bérilidighan ballistik bashqurulidighan bomba siniqimiz ghelibilik axirlashti. adettiki we yadro oq béshi élip yüreleydighan mezkur bashqurulidighan bombining yétip bérish musapisi 1500 kilométir. bürküt-2, pakistan éhtiyajliq boluwatqan rayon xaraktérlik muqimliq üchün zörür bolghan yaltaydurghuchi küchke ige» dégen ibarilerni ishletti.

armiye teripidin élan qilinghan bayanatta bolsa, bombining oman déngizidiki nishanni utuqluq pachaqlap tashlighanliqi, sinaq jeryanini yuqiri derijilik eskiriy emeldarlarning nazaret qilghanliqi bildürüldi.

bayanatta, pakistan bash ministiri imran xanningmu bashqurulidighan bombini yasap chiqqan we ghelibilik sinaq qilghan inzhénér we eskerlerni tebrikligenliki toghrisidiki uchurlarghimu orun bérildi.

pakistan ötken yili we bu yilning deslepki ayliridimu uzun we ottura musapilik bashqurulidighan bombilarni sinaq qilghan. sinaqlarda bürküt we gauri tipliq bombilar ishlitilgenidi.