sedr: amérika – iran urushi iraqni weyran qilidu
iraqtiki «sedr herikiti» ning rehbiri muqteda essedr, dölitining amérika qoshma ishtatliri bilen iran otturisida yüz bergüsi urush éhtimalliqigha qarshi jiddiy pozitsiye tutmighan teqdirde, bu urushning iraqni weyran qilidighanliqi toghruluq agahlandurdi.
türkiye awazi radiyosi xewiri: sedr ammiwi ortaqlishish tor bétidiki sehipiside, bu heqte élan qilghan bayanatida, mundaq dédi: «men iran – amérika qoshma ishtatliri otturisida bir urushning partlishini xalimaymen. iraqning bu urush patqiqigha ittirilip, iran – amérika otturisidiki toqunush sahesige aylinip qélishinimu xalimaymen. hemmimiz iraq xelqi bolush süpitimiz bilen birlik we barawerlik asasida heriket qilmisaq we jiddiy pozitsiye tutmisaq, u chaghda urushning partlishining aldini alalmaymiz, shuning bilen, iran – amérika urushi iraqni weyran qilidu. derweqe, ne iraqning, ne iraq xelqining qandaqtur birer urushning éghirchiliqini kötüreligüdk hali yoqtur. bizning tinchliqqa we parawanliqqa éhtiyajimiz bardur, herqandaq bir terep iraqni urush patqiqigha ittirse we iraqning bu urush üchün sahe bolushigha sewebchi bolsa, undaqta, u iraq xelqining düshmini bolidu. shuni alahide tekitlep ötimenki, amérika qoshma ishtatlirimu, iranmu urushni xalimaydu, shunga urush partlishi üchün ighwagerlik qilinmasliqi lazim.»
