hesen ruhani yashlarni siyasetke aktip qatnishishqa chaqirdi

türkiye awazi radiyosi xewiri: iran pirézidénti hesen ruhani yashlardin siyasetke qatnishishini telep qilip, ixtilapliq mesililerde el rayini sinash paaliyiti ötküzüshning muwapiq bolidighanliqini éytti.

hesen ruhani paytext téhranda yashlar we oqughuchilar bilen bir yerge jem boldi.

pirézidént ruhani iranning nöwettiki weziyiti üstide toxtilip, yashlardin memliket mesililirige köngül bölüsh we siyasetke aktip qatnishishni telep qildi.  

döletni téximu qudret tapquzush we tereqqiy qildurush üchün idiye jehettin birlikke kélish lazimliqini éytqan ruhani, bu ishta yashlarning aktip bolushi kéreklikini eskertip: saylamda bélet tashlisaqmu mesililer hel bolmaydiken dep oylap qalmanglar, bu toghra emes, mesililer yüzde yüz hel bolmaydighanliqi éniqtur, lékin her qétim yéngi ishlarni wujudqa chiqiriwatimiz, asasiy qanundiki heq-hoquqlirimizdin toluq paydilinishimiz kérek, asasiy qanunning 59-maddisida mundaq déyilidu: medeniyet, tashqi siyaset yaki ijtimaiy mesililerde ixtilap körülse, buni el rayigha qoyushqa bolidu, parlamént ezaliri parlaméntta qarar chiqirip ixtilapliq mesililerni xelq rayigha qoyup hel qilsa bolidu, dédi.