xitay amérikigha qarshi iran bilen maslishishni kücheytish kéreklikini bildürdi

türkiye awazi radiyosi xewiri: xitay tashqi ishlar ministirliqidin élan qilinghan bayanatta, wang yining paytext béyjingda ziyarette boluwatqan iran tashqi ishlar ministiri muhemmed jewad zarif bilen körüshkenliki, uchrishishta xitay bilen iranning keng dairilik istiratégiyelik shérik ikenlikini, hazirqidek xelqaraliq we rayon xaraktérliq weziyetler tolimu téz burulush hasil qiliwatqan mezgillerde ikki döletning maslishishni kücheytishi kéreklikini éytti.

wang yi: «xitay amérikining irangha qarita öz aldighila émbargolarni yürgüzishige we chékidin ashqan sot hoquqini ishlitishige qarshi chiqidu. iranning hazirqi ehwali we endishilirini yaxshi chüshinidu. öz menpeetini qoghdishini qollap - quwwetleydu» dédi we iranning yadro kélishimining qoghdilishi kéreklikini tekitlidi.

wang yi yene, mawjut ziyanliq amillarni yoqutush we iranning yadro kélishimining ijra qilinishi üchün körsitiliwatqan tirishchanliqta iran hökümiti bilen birlikte xizmet qilishni arzu qilidighanliqini qeyt qildi.

iran tashqi ishlar ministiri zarifmu hazirqi yadro mesiliside körülgen jiddiychilikning jawabkari iran hökümiti emeslikini ilgiri sürüp, iranning yadro kélishimidin chékinip chiqip kétish niyiti yoqluqini tekitlidi. 

muhemmed jewad zarif: «iran birer urush bolushini xalimaydu. iran paris qoltuqi rayonida tinchliq we muqimliqning dawamlishishini, hurmuz boghuzining xelqara transport qanili bolush salahiyitini dawamlashturghanliqini körüshni arzu qilidu» dédi hemde xitay bilen köp terplimilik maslishishni kücheytishke we ikki dölet menpeetliri bilen köp tereplilikni qoghdap qilishqa tirishchanliq körsitish üchün teyyar ikenlikini éytti.