pakistandiki adem bomba hujumida ölgenlerning sani 11 ge yetti

türkiye awazi radiyosi xewiri: yerlik metbuatlarning xewiride, penjap ölkisining merkizi lahorda tünügün kechte yüz bergen hujumda ölgen 11 kishidin 5 kishining saqchi memuri ikenliki we birsining 13 yashliq kichik bala ikenliki uqturuldi.

hujumda yaridar bolghan 26 kishidin 2 kishining ehwalining intayin éghir ikenliki we sheherdiki her qaysi doxturxanilarda dawaliniwatqanliqi bildürüldi.

penjap ölkilik bash ministiri osman buzdar lahordiki mayo doxturxanisida balnéstqa élinghan yaridarlarni ziyaret qilip, hujum heqqide tekshürüshlerning bashlanghanliqini we yaridarlargha maddiy yardem qilinidighanliqini éytti. 

osman buzdar yaridarlarning ehwaligha qarita 100 ming rupiyedin 500 ming ruyiyegiche yardem qilinidighanliqini bildürdi.

penjap ölkilik bash ministir bayanatchisi shahbaz gil, hujumdiki adem bombining 15 yash etrapida bir oghul bala ikenlikini élan qildi.

tünügün alaqidar mesullar hujumda 8 kishining ölgenlikini bildürgen idi.

tünügün hujumgha uchrighan data derbar meqbirisi pakistan boyiche eng köp ziyaret qilinidighan meqbiriler qatarida sanilidu.  11 – esirde eshu rayonda yashighan mutessewwip seyyid eli bin osman hajwerining bu meqbirisi jenubiy asiyadiki eng chong sopilar maziri bolup hésablinidu. 

bu meqbire 2010 – yilidimu adem bombining hujum nishani bolghan we 40 kishi ölgen idi.