teywende xitay bilen hemkarlishish, wetenge asiyliq qilish jinayiti hésablinidighan boldi

türkiye awazi radiyosi xewiri: teywen wetenge asiyliq qilish jinayitini, xitay we alahide memuriy rayonlar bolghan xongkong hemde makaw (awmén) bilen mexpiy hemkarlishishni öz ichige alidighan shekilde kéngeytti.

teywen s n a (CNA) agéntliqining bu heqtiki xewiride körsitilishiche, parlamént jinayi ishlar qanunigha özgertish kirgüzüp, wetenge asiyliq qilish jinayiti chüshendürülgen «düshmen dölet bilen mexpiy hemkarlishish» dégen tebirge, «xitay chong quruqluqi, xongkong we makaw alahide memuriy rayonliri bilen mexpiy hemkarlishish» dégen tebirnimu qoshqan.

teywen asasiy qanunida, xitay «chet dölet» süpitide qobul qilinmaydighanliqi üchün alahide memuriy rayonlar bilen birlikte «düshmen dölet» dep qaralmaytti. qanungha kirgüzülgen özgertish bilen, éniqsizliq emeldin qaldurulghan we bu mesilidiki sotlarning yoli échilghan boldi.

1949-yili maw zédung bashchiliqidiki kommunistik partiye hakimiyet béshigha kelgende, jyang jéyshi (gomindang) hökümiti teywenge qéchip bérip, 1912-yili qurulghan «xitay jumhuriyiti» ning teywen arilida dawamlashqanliqini ilgiri sürüp, musteqilliq élan qilghan idi. biraq, «milliyetchi xitay» depmu atilidighan teywenning musteqilliqi xitay teripidin étirap qilinmighan idi.

xitayning b d t diki resmiy wekili bolghan xitay xelq jumhuriyiti yolgha qoyghan «bir xitay» siyasiti boyiche aralda héchqandaq emeliy kontrolluqi bolmisimu, teywenni «zéminimizning bir parchisi» dep qaraydu. béyjing hökümiti teywen musteqilliq élan qilsa, herbiy küch ishlitimiz dep tehdit salidu.