makron: rusiye we süriyening hujumi tolimu endishilik ehwal
firansiye pirézidénti makron rusiye we süriye armiyesining idlib rayonida yüzlerche kishining ölümi we yarilinishini, 150 mingdin artuq kishining yurt – makanliridin ayrilip qélishigha seweb bolghan hujumlirining tolimu endishilik ehwal ikenlikini bildürdi.
türkiye awazi radiyosi xewiri: makron ammiwi ortaqlishish tor bétidiki sehipiside, bu heqte élan qilghan bayanatida, mundaq dédi: « süriyening idlib rayonida toqunushlarning barghanséri ewj élip kétishi tolimu endishilik ehwaldur. süriye armiyesi we ittipaqdashlirining yéqinqi künlerde doxturxanilargha qilghan hawa hujumlirida köp sanda puqra hayatidin ayrildi.»
süriyediki insaniy tiragédiyening tolimu qorqunuchluq sewiyege yetkenlikini we héchqandaq bir herbiy tallash yolining qobul qilinmaydighanliqini eskertken makron, zorawanliqqa xatime bérish telepliri we birleshken döletler teshkilatining kirizisni siyasiy yollar arqiliq hel qilish tirishchanliqlirini qollap kéliwatqanliqirini qeyt qildi.
süriye armiyesi türkiye we rusiyening urush toxtitishni ishqa ashurush meqsitide 2018 – yili 17 – séntebir küni hasil qilghan kélishimge qarimay, «<idlib> sürkilishni azaytish rayoni» diki hujumlar dawamlashmaqta.
«<idlib> sürkilishni azaytish rayoni» ning chégraliri ichidiki puqrawi olturaq mehellilirige yéqinqi 5 kün ichide qilinghan hujumlarda kem dégende 82 puqra hayatidin ayrildi.
