daésh kerkükte 2 saqchini öltürdi
iraqning kerkük shehiride fédératsiye saqchi qismigha tewe bir tekshürüsh ponkitigha térrorluq teshkilati daésh teripidin qilinghan qoralliq hujumda 2 saqchi öldi.
türkiye awazi radiyosi xewiri: kerkük herbiy heriketler qomandanliq ishtabi bashliqi général saad herbiye, «kerkükning gherbiy shimalidiki fédératsiye saqchi qismigha tewe bir tekshürüsh ponkitigha hujum qilindi. hujumda deslepki melumatlargha asaslanghanda 2 saqchi öldi» dédi.
aptomatik we yénik qorallar bilen 5 tin 8 giche daésh ezasidin teshkillengen bir guruppa teripidin élip bérilghan hujumdin kéyin, rayonda herbiy heriket bashlanghanlanghanliqi we 2 térrorchining yaridar halette qolgha chüshürülgenlikini bildürdi.
térrorluq teshkilati daésh 2014 – yili iyun éyda musul qatarliq iraq zémining öchten bir qismini ishghaliyiti astigha kirgüziwalghan bolup, iraq qisimliri 2017 – yili dékabirda barliq rayonlarni daéshtin tartip alghan idi.
daéshning sheher merkezliri we bashqa olturaq rayonlargha hujum qilish tehditi eng töwen sewiyege chüshürülgen bolsimu, daésh yiza - qishlaqlarda pat - pat weqe tughdurushni dawamlashturmaqta.