sirilankada dölet miqyasi boyiche uchar kaméra we uchquchisiz ayroplanlar cheklendi

türkiye awazi radiyosi xewiri: ammiwiy awéatsiye idarisi uchar kaméra we uchquchisiz ayroplanlarni cheklesh qanunining sirilankaning hazirqi bixeterlik weziyiti közde tutulghan halda maqullanghanliqini élan qildi.

bu ariliqta sirilanka saqchilirining dölet miqyasida partlatquch izdeshni dawamlashturiwatqanliqi, bügün paytext kolombodin 35 kélométir uzuqliqta, sherq terepke jaylashqan pugoda rayonidiki bir oxletxanida gumanliq bir boyum bayqilip, pachaqlap tashlighanliqi bildürüldi.

sirilankada xiristiyanlar üchün muqeddes hésablinidighan paskalya murasimi jeryanda kochchikadediki atoniyis chirkawi, katanadiki ssbésitan chirkawi we battikoladiki meryem ana chirkawi bomba hujumigha uchrighandin bashqa yene, paytext kolombodiki besh yultuzluq shanggirilla méhmanxanisi, kinnamon gérand méhmanxanisi we kinggsiburiy méhxanisimu bomba hujumigha uchrighan idi.

bu hujumlardin kéyin yene, paytext kolomboning sheher ichi poyiz liniyeliride, déhiwaladiki méhmansaraygha yéqin jayda hemde dématogo piyadiler köwrükige yéqin jayda partlashlar yüz bergen idi. 

sirilankadiki bomba hujumlirida 359 kishi ölüp, 500 din artuq kishi yaridar bolghan bolup, hujumgha alaqidar nazaretke élinghan gumandarlar sanining 58 ge yetkenliki élan qilindi.

bomba hujumlirini térrorluq teshkilati daésh öz üstige alghan idi.