israiliyening ay sharigha ewetken alem kémisidin kashila chiqti

türkiye awazi radiyosi xewiri: israiliyening ay sharigha insansiz alem kémisi ewetish siniqi muweppeqiyetsiz axirlashti.

ay sharigha ewetilgen «béréshét»(bashlanghuch)nami bérilgen insansiz alem kémisi bilen bolghan alaqening üzülüp qalghanliqi bildürüldi.

béréshét namliq alem kémisi ay yüzige qonush esnasida motoridin kashila chiqqanliqi texmin qilinmaqta.

bu qétimqi muweppeqiyetsizliktin kéyin söz qilghan israiliye bash minsitiri bunyamin nétanyahu, alem kémisi siniqining üzülüp qalmaydighanliqini we israiliyening ikki yaki üch yil ichide bu sahede choqum muweppeqiyet qazinidighanliqini bildürdi.

béréshét alem kémisi amérikida rakéta ishlepchiqiridighan « SpaceX » shirkitige tewe  «falkon  »tipliq rakéta bilen bu yil 21- féwralda florida ishtatidiki kapé kanawéraldin qoyup bérilgenidi.

kiralghudek chongluqta bolghan bu alem kémisining éghirliqi 585 kilogiram bolup, ichide yüzlerche digital höjjet qachilanghan tengge pul chongluqida bir üsküne barliqi, shundaqla bu höjjetler ichide israiliyege tewe milliy simwollar we medeniyetke dair matériyallar barliqi bildürüldi.

alem kémisi «béréshét»ay sharigha muweppeqiyetlik qonghan bolsa idi israiliye amérika, rusiye we xitaydin qalsa ay sharigha alem kémisi qondurghan tötinchi dölet bolghan bolatti.

yardemsöyerler teripidin iqtisad bilen teminlgen bu alem kémisige 100 milyon dollar chiqim ketkenliki bildürüldi.