tramp latin amérikadiki bir qanche döletni eyiblidi
amérika pirézidénti donald tramp el salwador, giwatémala, honduras we kolombiye qatarliq döletlerdin amérikagha jinayetchilerning kelgenlikini, kolombiyede zeherlik chékimlik sodisining %50 örligenlikini ilgiri sürdi.
türkiye awazi radiyosi xewiri: kolombiye taratquliridiki xewerlerde bildürülishiche, pirézidént tramp téksasta ötküzülgen bir paaliyette söz qilghanda, bir qanche kün burun oxshash mesilide tenqid qilghan kolombiyeni yene qayta tenqid qilghan. u kolombiyedin bashqa, el salwador, giwatémala we honduras qatarliq döletlerdin amérikagha qara guruh ezalirining kirgenlikini ilgiri sürüp mundaq dégen:
«qara guruhlarni özlirining dölitide xalimaydighanliqi üchün qatillarni bizge ewetiwatidu, chünki amérika xelqini exmeq, shunga ularni qobul qilidu dep oylaydu.»
pirézidént tramp bir qanche kün burun qilghan sözide, kolombiye pirézidénti iwan dugé (Ivan Duque) heqqide: «yaxshi adem, emma zeherlik chékimlik etkeschilikige zerbe bérishte héchnime qilmaywatidu» dégen idi.
u iwan dugé pirézidént bolghan awghust éyidin bashlap zeherlik chékimlik sodisining %50 örligenlikini ilgiri sürdi.
iwan dugé kolombiyede xewpsizlik qisimliri bilen körüshkende, zeherlik chékimlik etkeschiliki üstide toxtaldi. u kolombiyening zimmisige chüshken wezipisini ada qiliwatqanliqini, xelqi yuqiri miqdarda zeherlik chékimlik istémal qilidighan döletlerningmu bu mesilide küresh qilishi kéreklikini bildürdi.
kolombiyening hakimiyet béshidiki partiye hésablinidighan «démokratik merkez» ning rehbiri we sabiq pirézidént elwaro uribe (Alvaro Uribe) mu trampning eyibleshliri üstide toxtilip, amérikaning zeherlik chékimlik etkeschilikige zerbe bérishte kolombiyedin téximu yaxshi ittipaqdash tapalmaydighanliqini eskertti.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
