israiliye eskerliri 12 pelestin puqrasini nazaretke aldi

türkiye awazi radiyosi xewiri: israiliye armiyesi teripidin élan qilinghan yazma bayanatta, gherbiy qirghaqning oxshash bolmighan jaylirida kéchide élip bérilghan bésip kirip tekshürüshlerde «térrorluq weqelirige arilashqan» dégen bahane bilen 12 pelestinlikning nazaretke élinghanliqi bildürüldi.

bayanatta yene mezkur pelestinliklerning rayondiki tutup turush merkizige yollanghanliqi bildürüldi.

israiliye eskerliri ishghaliyiti astidiki gherbiy qirghaq we sherqiy quddusta pat – pat öylerge bésip kirip, her xil bahaniler bilen pelestin xelqini nazaretke élishni dawamlashturmaqta.

gherbiy qirghaq we sherqiy quddusta adettiki ishqa aylinip qalghan nazaretke élish weqeliride, ayallar we kichik balilarnimu öz ichige alghan pelestinliklerdin bezilirining qanchilighan künlergiche tutup turush merkizige solap qoyulidighanliqi bildürülmekte.

pelestin resmiy menbelirining bildürishiche, israiliye türmiliride 500 ge yéqin mehbus we 230 kichik balini qoshqanda, jemiy 5700 pelestinlik tutup turulmaqta.